Воз во Индија минал 70 километри без машиновозач
- Видеата на интернет-просторот прикажуваат како возот со голема брзина минува покрај неколку станици
![Воз во Индија минал 70 километри без машиновозач](https://mia.mk/index.php/images/20240226095754_big_730x400_58.webp )
Њу Делхи, 26 февруари 2024 (МИА) - Индиските власти наредиле истрага откако товарен воз прошол повеќе од 70 километри без машиновозач. Видеата на интернет-просторот прикажуваат како возот со голема брзина минува покрај неколку станици, jaви Би-би-си.
Машината е запрена со помош на поставени дрвени блокови на шините и никој не е повреден, соопштија Индиските железници.
Возот со 53 вагони, според надлежните лица, почнал да се движи надолу по железничката пруга откако машиновозачот и неговиот помошник се симнале од него. Се движел со брзина од речиси 100 километри на час. си/рп/
Фото: Јутјуб, фотоисечок