Водата за пиење во Скопје е безбедна и квалитетна
- Безбедна и квалитетна е водата за пиење во Скопје, покажува најновиот неделен извшетај на ЈП Водовод и канализација.
![Водата за пиење во Скопје е безбедна и квалитетна](https://mia.mk/index.php/images/20230228094854_big_730x400_82.webp )
Скопје, 28 февруари 2023 (МИА) - Безбедна и квалитетна е водата за пиење во Скопје, покажува најновиот неделен извшетај на ЈП Водовод и канализација.
Како што информира претпријатието, Секторот за санитарна контрола во периодот од 20.02.2023 до 24.02.2023 зема 188 примероци за физичко-хемиска и 188 примероци за микробиолошка анализа на вода за пиење од 45 мерни места во град Скопје. Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење. мч/са/
фото: МИА архива