Верстапен најбрз на спринтот за Големата награда на Кина
- Возачот на Ред Бул, Макс Верстапен, победи во спринтот за Големата награда на Кина.
![Верстапен најбрз на спринтот за Големата награда на Кина](https://mia.mk/index.php/images/20240420080914_big_730x400_50.webp )
Шангај, 20 април 2024 (МИА) - Возачот на Ред Бул, Макс Верстапен, победи во спринтот за Големата награда на Кина.
Второто место го зазеде Луис Хамилтон од Мерцедес со заостанување од 13.043 секунди.
Вториот возач на Ред Бул, Серхио Перез беше трет со 15.258, секунди послабо време од победникот.
Ова е осма победа на Верстапен во кариерата во спринт.
Главната трка од Формула 1 шампионатот за Големата награда на Кина ќе се вози утре со почеток во 9 часот по македонско време. зс/
Фото: ЕПА