Велковски најави системско решавање на проблемот со бездомните лица во „Ранка Милановиќ“
- Министерот за труд и социјална политика во техничката Влада, Ѓоко Велковски денеска ги посети бездомниците кои живеат во поранешниот објект на ЈУ за згрижување и воспитување на деца и младинци „Ранка Милановиќ“.
![Велковски најави системско решавање на проблемот со бездомните лица во „Ранка Милановиќ“](https://mia.mk/index.php/images/20240219151905_big_730x400_67.webp )
Скопје, 19 февруари 2024 (МИА) - Министерот за труд и социјална политика во техничката Влада, Ѓоко Велковски денеска ги посети бездомниците кои живеат во поранешниот објект на ЈУ за згрижување и воспитување на деца и младинци „Ранка Милановиќ“.
Најави системско решавање на проблемот со кои се соочуваат 70-тина лица кои, како што рече, веќе седум години живеат во мизерни услови.
-Центарот за социјални работи првично со неколку решенија низ годините наназад ги има сместено корисниците. Пак ќе кажам и тоа треба да се разгледа дали е законски, бидејќи овој дом бил за сосема друга социјална категорија на граѓани, не и за сместување на бездомни лица. Меѓутоа, ги сместил со решенија во тој момент и неколкупати ги обновувале. Сега бројката мислам дека не е повеќе од 70-тина луѓе коишто се тука во кругот на оваа зграда. Меѓутоа, знаете дека поради доаѓање и заминувањее на дел од нив, поради условите коишто не се хумани и тие самите напуштааат или се враќаат тука во овие згради да живеат. Треба да се направат системски промени.Треба да се направи системски за да реши проблемот, а тоа значи и дека би имале подобри услови за живот и подобро домување од ова што го имаат во моментов, рече тој.
Велковски најави дека и утре ќе оди во посета на бездомните лица лица кои живеат во „Ранка Милановиќ“ за да им однесат одредена помош составена од храна и социјални пакети.фф/лв/
Фото: МИА