Софија, 23 октомври 2024 (МИА/БТА) - Техничката влада на Бугарија донесе уредба за одобрување дополнителни трошоци од буџетот на Министерството за внатрешни работи за 2024 година, соопшти прес-службата на Советот на министри.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Се одобруваат дополнителни трошоци во износ до 7 милиони лева од буџетот на Министерството за внатрешни работи за 2024 година за финансиско обезбедување на активности поврзани со државната граница, вклучително и за поправки и надградби, како и за радарски систем за откривање и класификација на нисколетечки објекти до три илјади метри.

БТА потсетува дека на 7 октомври вршителот на должноста премиер Димитар Главчев заедно со владини претставници, претставници на Министерството за внатрешни работи и војската со хеликоптер го провериле интегритетот на објектот за опструкција на бугарско-турската граница.

На бугарско-турската државна граница нема компромитирани делови од инженерскиот објект од опструктивен тип, а и да ги има, буквално за неколку часа се отстрануваат, најави Главчев по увидот.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.