Балотели ќе го тужи Бреша
- Играчот исто така инсистираше на тоа дека бил дискриминиран, откако бил спречен целосно да тренира. На поранешниот италијански репрезентативец не му беше дозволено да тренира во Бреша на поче
![Балотели ќе го тужи Бреша](https://mia.mk/index.php/images/20221104005316_big_730x400_21.webp )
Бреша, 12 јуни 2020 (МИА) - Напаѓачот на Бреша, Марио Балотели, ќе го тужи својот сегашен клуб за неисплатени плати, објави „Газета дело Спорт“, барајќи целосна исплата за месец март, кога повеќето клубови се договорија со играчите да не им плаќаат заради паузата во шампионатот поради пандемијата од коронавирус.
- Мислам дека Балотели е единствениот фудбалер во европските врвни лиги кој сака целосна сума на својата плата за март, прокоментира адвокатот на Бреша, Матија Грасани.
Играчот исто така инсистираше на тоа дека бил дискриминиран, откако бил спречен целосно да тренира. На поранешниот италијански репрезентативец не му беше дозволено да тренира во Бреша на почетокот на неделава.
Според информациите, напаѓачот бил дисциплиниран од клубот минатата недела, откако не се појавил на тренинзи.