Плзен, 13 декември 2024 (МИА) - Менаџерот на Манчестер Јунајтед, Рубен Аморим изрази задоволство од победата од 2:1 над Викторија Плзен во Лигата на Европа. 

Успехот повторно дојде тешко, откако „црвените ѓаволи“ заостануваа во резултатот. 
Сепак, Португалецот гледа подобрување во некои детали од играта на тимот. Тој го пофали и Играчот на натпреварот - Расмус Хојлунд.

-Тој се подобрува, почесто го гледаме во гол позиции. Расмус добро знае како да се движи. Денеска можеше да постигне повеќе голови. Но, важно е дека бележи, работи напорно и подобро да ја контролира топката, изјави Аморим. 

Потоа ги сподели своите размислувања и за натпреварот.

-Се подобруваме во некои детали. Подобро ја контролиравме транзицијата. Бевме агресивни кога ја губевме топката, но треба да поминуваме повеќе време крај противничкиот гол, изјави Португалецот. дс

Фото: Архива