Скопје, 8 март 2025 

Паркингот на Универзитетскиот Клинички Центар треба да биде управуван од самата институција

Во едно социјално државно уредување, јавното здравство треба да биде главен столб на здравствените услуги и непрофитна институција. Сепак, одлуката на Министерството за здравство да го предаде управувањето со паркингот на Универзитетскиот Клинички Центар на анонимна приватна компанија предизвикува сомнежи за можни злоупотреби и неправилности.
Во минатото, паркингот беше управуван од самиот Универзитетски Клинички Центар, практика која беше поразумна и покорисна како за самата институција, така и за вработените и граѓаните кои ги користат здравствените услуги за себе или за своите блиски.

Предности од самоуправувањето на паркингот од Универзитетскиот Клинички Центар:

-Транспарентност и ефикасно управување– Универзитетскиот Клинички Центар ќе има целосна контрола врз приходите и трошоците на паркингот, избегнувајќи приватни посредници и потенцијални злоупотреби.

- Приоритет за персоналот и пациентите – Внатрешното управување ќе овозможи здравствениот персонал и пациентите да имаат загарантиран пристап до паркинг-просторот.

- Приходи за болницата– Добивката од паркингот може директно да се инвестира во подобрување на здравствените услуги и одржување на инфраструктурата.

-Намалување на хаосот – Добро организиран систем под раководство на Универзитетскиот Клинички Центар може да ги намали сообраќајните проблеми и застојот во дворот на болницата.

- Спречување на злоупотреби – Искустото покажало дека кога паркинзите се управувани од приватни компании, често доаѓа до зголемување на цените и лошо управување. Со задржување на паркингот под контрола на Универзитетскиот Клинички Центар, може да се обезбеди разумна ценовна политика во интерес на граѓаните.  

Од овие причини, Алијансата за Албанците бара управувањето со паркингот да остане во рацете на Универзитетскиот Клинички Центар, како поправеден и поефикасен начин за заштита на јавниот интерес.

Алијанса за Албанците, Сектор за здравство

__________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.