Струга, 5 август 2025 (МИА) - Фондацијата „Миладиновци“ распиша конкурс за поетска творба на тема „Спомени за Браќата Миладиновци“.

Конкурсот, како што соопшти Драмското студио „Миладин“, ќе трае до 15 септември годинава, а право на учество имаат сите поети од Македонија и пошироко со една необјавена песна на македонски јазик, посветена на Браќата Миладиновци.

Песните, како што е наведено во конкурсот, треба да се напишани со кириличен фонд и да не се подолги од 24  реда, а авторите да испратат и кратка биографија.

- Во чест на големите македонски преродбеници Димитрија и Константин Миладиновци, нивното културно и историско значење, конкурсот има за цел да поттикне создавање поетски дела посветени на нивниот живот, дело и придонес кон македонската преродба и духовна историја, стои во конкурсот.

Песните да се испраќаат на: miladindramskostudio@gmail.com, а ќе бидат разгледани од стручна жири-комисија. 

Одбраните песни ќе бидат објавени во посебна тематска збирка насловена „Спомени за Браќата Миладиновци“, чија промоција е најавена за 15 ноември 2025 година.

Фондацијата Миладиновци е основана од потомците на Ристе Миладин и неговите синови Димитрија и Константин. сс/вј/

Фото Плакат