Кавадарци, 9 јануари 2026 (МИА) - Кавадаречкиот градоначалник Митко Јанчев утрово информира дека зимската служба на подрачјето на општината работела до доцна во ноќните часови на расчистување на снегот од коловозите со цел да обезбеди услови за побезбеден сообраќај.

- Зимската служба до доцна вечерта континуирано вршеше посолување и одржување повеќе патни правци со цел обезбедување побезбедни услови за сообраќај. Посолени се патните правци Страгово, Чемерско и Бохула, а дополнително беа опфатени и правците Бојанчиште и Витачево. Апелираме до сите учесници во сообраќајот да возат внимателно, да ја приспособат брзината на условите на патот и да ја почитуваат сообраќајната сигнализација, напиша Јанчев на „Фејсбук“.

Тој додаде дека зимската служба и понатаму ќе биде на терен и ќе ја следи состојбата на патиштата. свд/вг/

Фото: Фејсбук на градоначалникот Митко Јанчев