• сабота, 22 февруари 2025

Фон дер Лајен за американските царини: Ќе ги заштитиме нашите работници, бизниси и потрошувачи 

Фон дер Лајен за американските царини: Ќе ги заштитиме нашите работници, бизниси и потрошувачи 

Брисел, 11 февруари 2025 (МИА) - Длабоко жалам поради одлуката на САД да воведат царини за европскиот извоз на челик и алуминиум, објави претпладнево на Икс претседателката на Европската комисија, Урсула фон дер Лајен. 

- ЕУ ќе дејствува за да ги заштити своите економски интереси. Ќе ги заштитиме нашите работници, бизниси и потрошувачи, наведе Фон дер Лајен во реакција на одлуката на американскиот претседател Доналд Трамп за воведување царини од 25 отсто на увозот на челик и алуминиум во САД. 

Таа додаде дека царините се даноци, кои се лоши за бизнисот, полошо за потрошувачите и на кои ЕУ ќе одговори. 

- Неоправданите царини кон ЕУ нема да останат без одговор - тие ќе предизвикаат цврсти и пропорционални контрамерки, потенцира Фон дер Лајен во објавата. 

Германскиот канцелар Олаф Шолц, претходно најави дека ако САД воведат царини и не и остават на ЕУ „друг избор“, тогаш „Унија ќе реагира обединето“. 

- На крајот, трговските војни секогаш ги чинат двете страни просперитет, додаде Шолц. 

Трамп објави дека од утре ќе воведе царини од 25 отсто на увозот на челик и алуминиум.

- Утврдив дека увозот на челични производи се заканува да ја наруши националната безбедност и решив дека е неопходно да се прекинат овие аранжмани од 12 март 2025 година, наведе Трамп во извршната наредба. сп/

Фото: МИА Архива

Остани поврзан