Вашингтон, 30 јануари 2025 (МИА) - Тулси Габард и Каш Пател, кои претседателот Доналд Трамп ги номинираше за директори на Националното разузнавање на САД (НДИ) и Федералното биро за истраги (ФБИ), денеска се на сослушување пред два сенатски комитета – за разузнавање и за правосудство.

Расправите веќе започнаа. Габард ги изложува нејзините ставови за главните предизвици во надворешната политика, контроверзните изјави за Русија и Сирија, како и за тоа каков е нејзиниот став за рамнотежа меѓу владиниот надзор и граѓанските слободи.

Средбата на Габард со сирискиот претседател Башар ал-Асад во 2017 година исто така ќе биде во фокусот и е загрижувачка за некои законодавци. Сето ова ќе биде предмет на остри прашања и анализа од страна на сенаторите. Ако биде потврдена, Габард ќе стане најмладиот директор на Националната разузнавачка служба во историјата на САД.

Каш Пател се соочува со можеби уште побурно сослушување за потврда пред Комитет за правда на Сенатот. Се очекуваат прашања за неговото искуство, минатите критики против ФБИ и загриженоста дека бирото може да биде искористено од него за напади врз противниците на Трамп.

Роберт Кенеди помладиот, уште еден службеник номиниран од претседателот, денеска е во Конгресот на втор ден сослушување за потврда на неговата позиција министер за здравство и социјални работи. кб/ссм/