Канбера, 9 јануари 2026 (МИА) - Три лица се водат како исчезнати откако шумски пожари надвор од контрола беснееја низ австралиската држава Викторија, уништувајќи домови и горејќи огромни површини шума, соопштија властите.

Комесарот за управување со вонредни состојби на Викторија, Тим Вибуш, на прес-конференција изјави дека пожарникарите се борат со 30 активни пожари, при што нивото на опасност од пожар во државата моментално е „катастрофално“, највисоко ниво.

Властите изјавија дека деструктивните ветрови и температурите до 46 степени Целзиусови прогнозирани за северна Викторија значат дека сите пожари ќе бидат „неконтролирани“.

„Денес е еден од најопасните денови за пожари што оваа држава ги видела со години“, рече премиерката на Викторија, Џасинта Ален.

Пожарот во близина на градот Лонгвуд уништи повеќе од 35.000 хектари шума, додека пожарот во близина на Волва изгоре околу 20.000 хектари.

И двата пожари започнаа во средата, бидејќи интензивниот топлотен бран на југот од земјата доведе до најдобри услови за пожари од 2019 година, кога шумските пожари опустошија големи области на југоисточна Австралија, при што загинаа 33 лица, во она што стана познато како „Црно лето“.

Најголемиот пожар во близина на Лонгвуд уништи општински и станбени објекти, вклучувајќи повеќе домови, центар на заедницата и телефонска централа, рече Вибуш.

„Не можеме да ги потврдиме тие бројки во оваа фаза, сè уште е премногу опасно да се влезе и да се стигне до местото“, рече тој.

Заменик-комесарот на полицијата на Викторија, Боб Хил, рече дека двајца возрасни и едно дете се водат како исчезнати во Лонгвуд откако пожарникарите вчера ги советувале да се засолнат во своите домови.

Десетици заедници во близина на пожарите се евакуирани, а многу државни паркови и кампови се затворени. мс/сд/

фото: Архива