Тирана, 4 декември 2025 (МИА) – Албанската министерка за Европа и надворешни работи, Елиса Спиропали денеска се обрати на 32-от министерскиот состанок на ОБСЕ, што се одржува во Виена.

Таа ја потврди целосната поддршка на Албанија за „меѓународното право, правдата, одговорноста и човековото достоинство, во услови на руска агресија во Украина“.

- Мирот, стабилноста и безбедноста низ цела Европа продолжуваат да бидат наши главни приоритети. Безбедноста и одржливиот напредок во нашиот регион започнуваат со признавањето на Косово како независна и суверена држава, истакна Спиропали.

Таа додаде дека Албанија уште од самиот почеток на војната искажала безрезервна поддршка за суверенитетот на Украина. вт/ми

фото: Фејсбук