Москва, 11 март 2026 (МИА) - Рускиот конзулат во иранскиот град Исфахан е оштетен во гранатирањето пред неколку дена, изјави портпаролката на руското Министерство за надворешни работи, Марија Захарова.

Нападот врз дипломатска мисија е „грубо кршење“ на меѓународните конвенции и секоја земја е должна да ја почитува неповредливоста на дипломатските објекти, рече таа.

„На 8 март, во иранскиот град Исфахан, за време на нападот врз губернијата на истоимената покраина, која се наоѓа веднаш до него, рускиот конзулат е оштетен“, изјави Захарова на веб-страницата на нејзиното Министерство. „Прозорците во деловната зграда и во станбените станови поврзани со неа беа скршени, а неколку вработени беа исфрлени од експлозивниот бран. За среќа, немаше жртви или сериозни повреди.“

Вчера, рускиот претседател Владимир Путин разговараше за конфликтот со својот ирански колега Масуд Пезешкијан, објави Кремљ. Шефот на Кремљ повика на прекин на непријателствата. мс/ссм/

фото: ДПА