Доха, 6 декември 2025 (МИА) – Примирјето во Појасот Газа не може да се смета за целосно без „целосно повлекување“ на израелските сили од палестинската територија, изјави премиерот на Катар, чија земја посредува во обидите за стабилизација.

- Не можеме да зборуваме за целосно примирје додека израелските сили не се повлечат и додека не се воспостави стабилност во Газа, изјави катарскиот премиер шеик Мохамед Ал Тани на конференцијата во Доха.

Турскиот министер за надворешни работи Хакан Фидан, кој учествува на „Доха Форум“, рече дека преговорите за меѓународните стабилизациски сили предвидени со мировниот план на американскиот претседател Доналд Трамп сè уште траат.

Според Фидан, се разгледуваат мандатот и правилата на дејствување на силите, чија главна цел треба да биде раздвојување на Израелците и Палестинците по границата. ссм/

фото: архива