Тел Авив, 27 март 2026 (МИА) - Израелскиот министер за одбрана, Израел Кац, денеска изјави дека израелските напади врз Иран ќе „ескалираат и ќе се прошират“.

Кац во соопштението рече дека тој и премиерот Бенјамин Нетанјаху „го предупредиле иранскиот терористички режим да престане да истрелува ракети врз цивилното население во Израел“.

„И покрај предупредувањата, истрелувањето ракети продолжува - и затоа нападите на израелската војска врз Иран ќе ескалираат и ќе се прошират на дополнителни цели и области што му помагаат на режимот да произведува и користи оружје против израелските граѓани“, рече Кац.

Тој се закани дека Иран ќе плати висока цена за „воениот злостор“.сд/ссм/

Фото:МИА архива