Стокхолм, 24 ноември 2025 (МИА) - Четвртиот парламентарен Самит на Кримската платформа се одржува денеска, чии домаќини се претседателот на Риксдагот, Андреас Норлен, заедно со претседателот на Парламентот на Украина, Руслан Стефанчук и претседателот на Украина, Володимир Зеленски.

На воведната сесија ќе се обратат Норлен и Стефанчук.

Тие се домаќини на претседателите на националните парламенти и меѓупарламентарните организации, а на крајот од состанокот ќе биде усвоен заеднички завршен документ.

Претходните самити се одржаа во Загреб во 2022 година, Прага во 2023 година и Рига во 2024 година.

Кримската платформа беше лансирана на владино ниво во Киев во 2021 година и е меѓународен форум за дискусија и координација.

Се одржува на различни нивоа, како што се состаноци меѓу влади, министри за надворешни работи, парламенти и меѓупарламентарни собранија, како и граѓанското општество и професионалните заедници. мс/ссм/

фото: ЕПА архива