Дјусбери-Хол му донесе победа на Евертон над Манчестер јунајтед
Манчестер, 25 ноември 2025 (МИА) - Манчестер јунајтед синоќа загуби од Евертон со 1:0 на домашен натпревар во 12. коло од англиската Премиер лига.
Фудбалерот од средниот ред Кјернан Дјусбери-Хол го постигна единствениот гол во 29. минута.
Од 13-тата минута па натаму, гостите останаа со 10 играчи откако Идриса Геје беше исклучен.
Манчестер јунајтед имаше 25 шутеви кон голот, додека гостите имаа три.
Ова е трет натпревар во низа за Манчестер без победа. Тимот е 10-ти на табелата во Премиер лигата со 18 бода по 12 натпревари.
Евертон го доби својот втор натпревар по ред и се искачи на 11. место со 18 бода по 12 натпревари. зс/
Фото: ЕПА
