Скопје, 4 февруари 2025 

Градоначалникот на Општина Центар Горан Герасимовски, денеска се сретна со Валентино Атанасоски, ученик во деветто одделение од ООУ „Кочо Рацин“ кој ја претставуваше општината и државата на 21 Меѓународна јуниорска олимпијада по природни науки во Букурешт - Романија кадешто освои бронзен медал.

„Честитки за нашиот Валентино кој освои бронзен медал. За неговиот успех и посветеност, му доделивме финансиски средства во висина од 10.000 денари. Валентино Атанасоски е пример за сите млади, но и за нас возрасните, дека љубовта кон науката, истрајноста и трудот носат признанија секаде во светот. Силна поддршка за нашиот ученик стипендист, нека продолжи да го промовира Центар и Македонија во светски рамки“, изјави Герасимовски.

Општина Центар

___________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Фото: Општина Центар