Uashington, 21 dhjetor 2025 (MIA) - Është arritur përparim në zbatimin e planit të paqes për Gazën të paraqitur nga presidenti amerikan, Donald Tramp, deklaroi mbrëmë i dërguari special i SHBA-së, Stiv Uitkof. 

“Faza e parë ka sjellë përparim, duke përfshirë ndihmën humanitare të zgjeruar, kthimin e trupave të pengjeve, një tërheqje të pjesshme të forcave dhe reduktim të armiqësive”, shkroi Uitkof në X, një ditë pas bisedimeve me përfaqësuesit e Egjiptit, Katarit dhe Turqisë.

"Konsultimet e mëtejshme do të vazhdojnë në javët në vijim për të çuar përpara zbatimin e fazës së dytë", shtoi ai.

Faza e dytë e planit të paqes për Gazën përfshin rindërtimin e territorit të shkatërruar. Izraeli këmbëngul që trupi i pengut të fundit të mbetur, i cili ende mbahet në Gazë duhet të kthehet së pari - një nga kushtet e vendosura në fazën fillestare të planit.

Plani gjithashtu kërkon çarmatimin e Hamasit, i cili deklaroi se nuk do të heqë dorë nga armët e tij.

Uitkof tha se bisedimet u përqendruan gjithashtu në masat për të lehtësuar tregtinë në rajon dhe për të zhvilluar infrastrukturën.

"Në këtë kontekst, shprehëm mbështetje për krijimin dhe funksionalizimin në të ardhmen e afërt të Komitetit të Paqes (Board of Peace) si një administratë kalimtare për rrugët civile, të sigurisë dheshtigjet rindërtuese të rinovimit", tha ai.

Krijimi i Komitetit të Paqes është një nga 20 pikat në planin e paqes për Gazën që Trampi e njoftoi në fund të shtatorit.

Sipas propozimit, Gaza do të drejtohej përkohësisht nga një komitet teknokratësh jopartiakë, të mbikëqyrur nga një organ i ri kalimtar i njohur si Komiteti i Paqes, me të cilin Tramp ka thënë se synon të kryesojë. ls/

Foto: DPA