Shkup, 2 dhjetor 2025 (MIA) - Respektimi i pesë parimeve standarde që janë shembullore në vendet evropiane: shpejtësi e sigurt, shfrytëzues të sigurt në komunikacion, rrugë të sigurta, automjete të sigurta dhe reagim efikas i institucioneve pas një aksidenti trafiku. Kjo, sipas ministrit të Punëve të Brendshme, Pançe Toshkovski, është çelësi për zero viktima në aksidentet rrugore. 

Në një fjalim në Konferencën kombëtare për sigurinë në rrugën e komunikacionit në vetëqeverisjen lokale, që po mbahet sot në Shkup, ministri theksoi se "Maqedonia, për fat të keq, në 15 vitet e fundit ka qenë sinonim i një kulmi të viktimave të shkaktuara nga mosrespektimi i rregullave të trafikut". 

"Numri është 145 viktima. Maqedonas, shqiptarë, turqë, vlleh, romë, serb, të gjithë ata njerëz të bukur që jetojnë në Maqedoni nuk janë vetëm një numër kur flasim për 145 viktima si rezultat i mosrespektimit të rregullave të trafikut në 15 vitet e fundit. Vitin e kaluar numri ishte 142 viktima, për fat të keq, numri më i madh janë të rinj deri në 29 vjeç, ndërsa edhe në kuadër të parametrave botërorë, numri më i madh i të rinjve që kanë vdekur në botë është si rezultat i mosrespektimit të rregullave të trafikut", tha Toshkovski.

Ai bëri thirrje për aktivitete të koordinuar nga të gjitha institucionet për të përmbushur objektivat e strategjisë evropiane për të përgjysmuar vdekjet në aksidente rrugore deri në vitin 2030 dhe për t'i reduktuar ato në zero deri në vitin 2050. 

Ministri tha se është shumë e rëndësishme të zbatohet siç duhet sistemi "Qyteti i Sigurt", i cili ka qenë në funksionin prove që nga dje. Ai njoftoi se deri në mesin e vitit 2026, duhet të zbatohet në të gjithë vendin. qa/

Foto: MIA