Karaçi, 11 nëntor 2025 (MIA) - Talebanët pakistanezë kanë marrë përgjegjësinë për sulmin vetëvrasës të sotëm në Islamabad, ku humbën jetën të paktën 12 persona, ndërsa  27 janë plagosur.

 "Sot, një nga anëtarët tanë sulmoi një gjykatë në Islamabad", tha organizata islamiste.

 Në deklaratë theksohet se sulmet do të kryheshin "kundër atyre që marrin ose zbatojnë vendime bazuar në ligje jo-islamike dhe kundër mbrojtësve të tyre, derisa sheriati të mbizotërojë në të gjithë vendin".

Dëshmitarët deklaruan se sulmuesi ka pritur jashtë gjykatës përpara se të shpërthente eksplozivët pranë një automjeti policie. 

 Pakistani, i cili përballet me një numër në rritje sulmesh ndaj forcave të tij të sigurisë, ka kërkuar që Afganistani - nën pushtet  të talebanëve afganë - të ndalojë mbështetjen e talebanët pakistanezë. Kabuli mohon se po u ofron atyre strehim.

 Edhe pse të dyja palët arritën një armëpushim, ato nuk arritën të bien dakord për detajet në disa raunde negociatash.

 Ministri pakistanez i Mbrojtjes, Havaxha Asif, e vlerësoi sulmin si një "sinjal serioz dhe shqetësues".

 Foto: EPA