Abuxha, 24 dhjetor 2025 (MIA) - Një shpërthim ka tronditur një xhami në qytetin nigerian Maiduguri, qendra administrative e shtetit Borno, gjatë namazit të akshamit, deklaruan dëshmitarët.

Nuk pati raportime të menjëhershme për viktima ose të lënduar dhe nuk pati asnjë koment zyrtar nga autoritetet.

Maiduguri është në zonën e veprimit të grupit kryengritës islamist Boko Haram, i cili ka vrarë dhjetëra mijëra njerëz dhe ka zhvendosur miliona vendas gjatë dy dekadave të fundit.

Asnjë grup nuk e ka marrë ende përgjegjësinë për shpërthimin, por islamistët më parë kanë synuar xhamitë dhe zonat e ngarkuara në Maiduguri me bomba vetëvrasëse ose sulme me pajisje shpërthyese të improvizuara.

Boko Haram filloi kryengritjen e tij në shtetin Borno në vitin 2009, duke u përpjekur të krijojë një të ashtuquajtur kalifat islamik. Pavarësisht përpjekjeve të ushtrisë nigeriane vazhdojnë sulmet sporadike nga islamistët në zonë. mb/

Foto: MIA