Uashington, 14 nëntor 2025 (MIA) - SHBA-ja ka miratuar shitjen e aeroplanëve ushtarakë dhe pjesëve të tyre me vlerë prej 330 milionë dollarëve për Tajvanin, ka bërë të ditur Pentagoni.

"Shitja e propozuar do të përmirësojë aftësinë e marrësit për t'u përballur me kërcënimet aktuale dhe të ardhshme duke ruajtur gatishmërinë operacionale të flotës së tij të avionëve F-16, C-130 dhe avionëve të tjerë", njoftoi Pentagoni përmes një komunikate.

Është transaksioni i parë i tillë që kur presidenti i SHBA-së, Donald Tramp mori detyrën në janar.

Ministria e Mbrojtjes e Tajvanit tha se pret që shitja të hyjë në fuqi brenda një muaji.

Zyra presidenciale e Tajvanit falënderoi qeverinë amerikane për vazhdimin e politikës së saj të shitjeve të rregulluara të armëve për Tajvanin dhe për mbështetjen e Tajvanit në forcimin e aftësive të saj të vetëmbrojtjes dhe rezistencës.

Thellimi i partneritetit të sigurisë midis Tajvanit dhe SHBA-ja është një gur themeli i rëndësishëm i paqes dhe stabilitetit në rajonin Indo-Paqësor, tha zëdhënësja presidenciale Karen Kuo. mb/

Foto: MIA