Los Anxhelos, 21 janar 2025 (MIA) – Senatori Xhon Feterman (55) mori pjesë në inaugurimin e presidentit amerikan Donald Tramp në një kombinim vërtetë të pazakontë mode... Ai kishte veshur një xhaketë me kapelë të zezë, bermuda ngjyrë hiri dhe atlete. 

Atë që shumica e njerëzve zakonisht e mbajnë në stërvitje ose në shëtitje në park, ky politikan e mbante në një ngjarje solemne, përderisa të gjithë rreth tij ishin në kostume dhe veshje të ngjashme “zyrtare”. Krahas të gjithave, Feterman (55) ishte ulur në rendin e parë. Senatorit amerikan, duket, se i pëlqen stili i tij. Ai disa herë është fotografuar në publik në edicione të ngjashme sportive, ndërsa shumë rrallë në diçka më zyrtare dhe më formale. 

Kush është Xhon Feterman? Edhe pse janë nga parti të ndryshme, ai është një nga mbështetësit më të mëdhenj të Trampit nga Partia Demokratike në Senatin amerikan. Ka lindur në Pensilvani, ndërmjet viteve 2006 dhe 2019 ishte kryetar i Bradok – më herët qytet industrial dhe e mbante titullin “kryetari më kull”. 

Në vitin 2022, Feterman u bë senator nga shteti Pensilvania, ku e fitoi bashkëpartiakun e Donald Trampit, republikanin dr. Mehmet Oz. fc/

Fotografia: Uikipedia