Los Anxhelos, 23 prill 2025 (MIA) - E famshmja më e bukur e këtij viti, sipas revistës amerikane “People”, është aktorja Demi Mur. Pas suksesit të filmit horror "The Substance", në të cilin ajo luan një grua të fiksuar pas "rinisë së përjetshme", por në fund e pranon dhe i gëzohet realitetit, Demi sqaroi se çfarë do të thotë bukuria sot sipas saj.

"Bukuria është autenticitet dhe pozitivitet. Është një ndjenjë rehatie në lëkurën tuaj", tha Mur.

Pas vitesh presioni për t'u dukur "perfekte", ajo thotë se tani ka një marrëdhënie më të shëndetshme dhe më të relaksuar me trupin dhe jetën e saj. Mesazhi i saj është: - Bukuria e vërtetë nuk varet nga mosha apo pamja, por të jesh vetvetja dhe të kujdesesh për veten me dashuri.

"Pipël" filloi sondazhin e tij për njerëzit më të bukur në botë në vitin 1990. Qëllimi i projektit ishte fillimisht të prezantonte lexuesit me personazhet e famshëm që thyejnë stereotipet e bukurisë dhe frymëzojnë të tjerët. sa/

Foto: Arkivi i MIA-s