Uashington, 11 nëntor 2025 (MIA) - Senati amerikan mbrëmë vonë e ka miratuar ligjin për financim, për t'i dhënë fund bllokadës më të gjatë të Qeverisë në historinë e SHBA-së, ndërsa akti tani duhet të gjendet edhe në Dhomën e Poshtme të Kongresit, njoftoi DPA.

Gjashtëdhjetë senatorë votuan për ligjin, ndërsa 40 ishin kundër. Me masën, Qeveria amerikane tani do të financohet deri në fund të janarit.

Votimi paraqet avancim politik pas bllokadës 41-ditore, gjë që la qindra mijë nëpunës federalë pa paga dhe i ka shkelur shërbimet publike.

Që buxheti i ri të hyjë në fuqi, duhet të miratohet nga Dhoma përfaqësuese. Republikanët nën presidentin Donald Tramp kanë shumicë të ngushtë në Dhomën e Poshtme dhe deri tani vetëm disa që nuk mendojnë njëjtë publikisht deklaruan se do të votojnë kundër paketës, njoftoi agjencia gjermane.

Nëse Dhoma përfaqësuese e jep përkrahjen e saj, ligji do të shkojë te Trampi për nënshkrimin e tij, hap që konsiderohet formalitet.

Bllokada filloi më 1 tetor, pasi republikanët dhe demokratët nuk arritën marrëveshje për buxhetin e ri federal. Pa plan për harxhime të miratuar nga të dy dhomat e Kongresit, nuk ka derdhje parash në agjencitë qeveritare.

Pagat e punëtorëve federalë, ushtrisë dhe programeve për ndihmë sociale financohen përmes buxhetit federal. bsh/

Foto: MIA arkiv