Moskë, 29 nëntor 2025 (MIA) - Ministria ruse e Mbrojtjes kumtoi sot se Moska mbrëmë ka kryer sulm ndaj objekteve ushtarako-industriale dhe energjetike ukrainase si përgjigje ndaj asaj që e quajti "sulme terroriste", kumtuan agjencitë botërore.

"Si përgjigje ndaj sulmeve terroriste të Ukrainës ndaj objekteve civile në territorin rus, mbrëmë forcat e armatosura të Federatës ruse kryen sulm me armë me precizitet të lartë dhe fluturake pa pilot ndaj ndërmarrjeve nga kompleksi ushtarako-industrial i Ukrianës dhe objekteve energjetike të cilat e siguojnë punën e tyre. Caqet e sulmit janë përmbushur. Të gjitha objektet targetuese janë goditur", thuhet në kumtesën e ministrisë.

Ndërkohë, Konzorciumi kaspik për gazpërçues (KTK) sot kumtoi se i ka ndërprerë operacione te veta pasi që porti i vet në Rusi në brigjet e Detit të Zi ishte dëmtuar seriozisht gjatë sulmit nga fluturaket ukraianse pa pilot.

"Puna e mëtutjeshme e Portit 2 është e pamundur", thuhet në kumtesën për gjendjen e një prej tre objekteve kyçe për eksport të naftës. Përmes terminalit të vet në Detin e Zi, KTK eksporton naftë me prejardhje kryesisht nga Kazakistani.

Aksionarët e kompanisë i përfshijnë kompanitë amerikane "Shevron" dhe "Ekson Mobil".

"Nuk duket mirë, sulmet janë të fuqishme. Porti i tretë, i cili për momentin po riparohet, do të vihet në funksion", deklaroi një tregtar me naftë. Në kohën e sulmit, sistemi për mbrojtje urgjente të objektit i mbylli largpërçuesit relevantë dhe nuk ka punëtorë të lënduar, kumtoi KTK. Gjithashtu, nuk ka informata preliminare se ka derdhje të naftës në Detin e Zi", shtoi konzoirciumi. ab/

Foto: МIА arkivi