Shkup, 19 nëntor 2024 (MIA) - Rritje prej 10 për qind të masës në para e destinuar për rritjen e pagave në shëndetësi është dakorduar me aneksin e Marrëveshjes kolektive për veprimtarinë shëndetësore në takimin ndërmjet Sindikatës së Pavarur të Shëndetësisë, Farmacisë dhe Mbrojtjes Sociale, Sindikatës së Pavarur të Qendrës Klinike-Shkup dhe Qeverisë.

Rritja e pagave do të fillojë të zbatohet nga nëntori, për të cilën grupi i punës me përfaqësues nga Ministria e Shëndetësisë dhe Fondi për Sigurim Shëndetësor do të punojë në harmonizimin e aneksit.

Në konferencën për shtyp pas takimit, ku morën pjesë kryetarët e dy sindikatave dhe kryetari i Qeverisë Hristijan Mickoski ishte shprehur kënaqësi nga marrëveshja e arritur.

"Me këtë aneks të Marrëveshjes Kolektive kemi arritur të korrigjojmë koeficientët e të punësuarve në shëndetësi. Konkretisht bëhet fjalë për korrigjimin e koeficientit 0,233 që në përkthim nënkupton bruto pagë më të lartë për të gjithë të punësuarit se 3650 denarë apo 2.450 denarë në shumën neto. Një përfitim edhe më i mirë në seksionin e këtij aneksi është korrigjimi i pagës prej 0,364 për infermierët me arsim të mesëm dhe për pjesën tjetër të personelit të mesëm mjekësor, që përkthehet në 5.700 denarë bruto ose 3.850 denarë neto. Kjo nënkupton edhe motivim më të madh për punëtorët tanë dhe kontrata kolektive është akt i dyanshëm dhe shprehje e vullnetit të mirë", theksoi Ljubisha Karanfilovski, kryetar i Sindikatës së Pavarur për Shëndetësi, Farmaci dhe Mbrojtje Sociale.

Nga Sindikata e Qendrës Klinike - Shkup theksuan se pas negociatave të gjata është arritur një marrëveshje me të cilën do të përmirësohet dukshëm gjendja financiare e të gjithë të punësuarve në institucionet shëndetësore dhe njohja e përkushtimit, punës dhe profesionalizmit të tyre.

"Të gjitha këto rritje janë rezultat i punës së palodhur të dy sindikatave përfaqësuese dhe së bashku me Qeverinë përfaqësojnë përgjigje ndaj kërkesave për kushte më të mira pune dhe motivim për përkushtim edhe më të madh në punën tonë të përditshme. Si sindikata mbetemi të përkushtuar për vazhdimin e dialogut dhe përmirësimin e mëtejmë të kushteve të punës në shëndetësi, si dhe vazhdimin e luftës për përmirësimin e sistemit shëndetësor në tërësi", tha Predrag Serafimovski, kryetar i Sindikatës së Pavarur të Qendrës Klinike - Shkup.

Kryeministri Mickoski nënshkrimin e aneksit të Marrëveshjes Kolektive e vlerësoi si moment të rëndësishëm historik dhe paralajmëroi se trendi i rritjes së pagave të punëtorëve shëndetësorë do të vazhdojë edhe në vitet e ardhshme.

"Arritëm një marrëveshje që ka një dimension historik, përveç këtyre koeficientëve për të cilët folëm tani, që do të nënkuptonte një rritje prej 10 për qind të shumës së parave të ndara për paga. Tashmë vitin e ardhshëm, në muajin mars, do të kemi një rritje shtesë prej 5 për qind të shumës së ndarë për pagat për punëtorët shëndetësorë. Vitin e ardhshëm të vitit 2026 nga 5 në 7 për qind, varësisht se në çfarë gjendje dhe kondicion do të jetë Buxheti, shpresojmë që të jetë në gjendje vërtet të shëndetshme dhe po punojmë për këtë, pse të mos shkojmë në kufirin e sipërm. E njëjta rritje nga 5 në 7 për qind do të jetë në vitin 2027 dhe nga 7 në 10 për qind do të jetë në vitin 2028. Kur e marrim të gjithë këtë periudhë me radhë, kemi një rritje të shumës së parave që nevojiten për të paguar pagat e punëtorëve shëndetësorë për të gjithë periudhën, prej 45 deri në 50 për qind, diçka që është historike", theksoi kryeministri Mickovski.

Në fjalën e tij në konferencën për media, kryeministri shtoi se Ministria e Shëndetësisë dhe Fondi i Sigurimeve Shëndetësore këto ditë do të nxjerrin mesazhe të reja pozitive për punonjësit e shëndetësisë, me të cilat përfundon i gjithë cikli dhe paralajmëroi se do të vijojnë reformat në sistemin shëndetësor. sa/

Foto: MIA