Madrid, 20 janar 2025 (MIA) – Florentino Perez është rizgjedhur president i Real Madridit deri në vitin 2029, informon zyrtarisht klubi. Biznesmeni 77-vjeçar ka qenë kandidati i vetëm për këtë post.

Në një komunikatë nga kampionët aktual të Spanjës dhe Evropës thuhet: “Me vetëm një kandidaturë të shpallur nga Bordi zgjedhor dhe në pajtueshmëri me nenin 40, seksioni F, pika 2 e statutit aktual të klubit, Florentino Perez është shpallur president i Real Madridit”.

Perez do të fillojë mandatin e tij të pestë radhazi në krye të gjigantit të La Ligës dhe i shtati në total. Ai ka qenë president nga periudha e vitit 2000 deri në vitin 2006, ndërsa në vitin 2009 filloi mandatin e tij të dytë.

Klubi mbretëror ka njoftuar gjithashtu edhe Bordin e ri të drejtorëve.

Foto: arkivi