Shkup, 15 janar 2026 (MIA) - Bashkëpunimi ekonomik mes Maqedonisë dhe SHBA-së është në rritje të vazhdueshme dhe kjo do ka të bëjë me zbatimin e reformave që ndikojnë ndaj besimit të qyetarëve dhe investitorëve, konkludoi zëvendëskryetari i Qeverisë dhe ministër i Transportit, Aleksandar Nikolloski dhe ambasadorja e SHBA-së, Angela Ageler, sot në takim në Ministrinë e Transportit. 

"Marrëdhëniet e shkëlqyera midis dy vendeve inkurajojnë bashkëpunimin ekonomik", theksoi zëvendëskryeministri Nikolloski dhe shtoi se përmirësimi i klimës së biznesit është një nga qëllimet strategjike për zhvillim më të shpejtë ekonomik dhe social në të gjitha segmentet e vendit. Në takim u diskutua zbatimi i projekteve në korridoret 8 dhe 10, si dhe 10-e, përmes angazhimit të fortë të Maqedonisë për përfundimin dhe modernizimin e këtyre projekteve strategjike rajonale.

"Përfshirja e kompanive amerikane në zbatimin e projekteve infrastrukturore është me rëndësi të madhe për krijimin e njohurive, teknologjisë dhe praktikave të reja për kompanitë vendase dhe një garanci për zbatimin me sukses të projekteve kapitale", theksoi zëvendëskryeministri Nikolloski, qëndron në komunikatën e Ministrisë.

Në takim, në të cilën siç njofton Ministria e Transportit "edhe një herë u konfirmuan marrëdhëniet e shkëlqyera mes Maqedonisë dhe SHBA-së", është biseduar edhe për "partneritetin strategjik mes dy vendeve dhe mbështetjen e fuqishme të SHBA-së në drejtim të përforcimit të proceseve demokratike, reformave strukturore në vend, sundimin e drejtësisë, luftën me korrupsionin, si dhe për procesin e  bisedimeve aderuese për anëtarësim në BE".

"Në emër të qytetarëve të Maqedonisë, zëvendëskryeministri Nikolloski shprehu mirënjohje të madhe për mbështetjen që ambasadorja Angela Ageler i dha përmes angazhimit të saj personal gjatë mandatit të saj si një mike e sinqertë e Maqedonisë. Miqësia dhe partneriteti midis dy vendeve do të vazhdojë në vazhdimësi", përfunduan zëvendëskryeministri Nikolloski dhe ambasadorja Ageler përmes angazhimit të tyre të përbashkët në procesin e demokratizimit dhe zbatimin e reformave thelbësore, informoi pas takimit Ministria e Transportit. mb/

Foto: Ministria e Transportit