Londër, 9 janaar 2024 (MIA) - Ministri britanik i Punëve të Jashtme, Dejvid Lami sot deklaroi se është i bindur se presidenti i rizgjedhur i SHBA-së, Donald Tramp, e njeh Grenlandën si pjesë të Mbretërisë së Danimarkës, por theksoi se retorika e tij mund të jetë destabilizuese. 

"Ne e dimë që nga mandati i parë i Donald Trampit se thellësia e retorikës së tij dhe ndonjëherë paparashikueshmëria e asaj që ai deklaron mund të jetë destabilizuese," tha Lami në një intervistë për Bi-Bi-Si Radio, duke iu përgjigjur një pyetjeje në lidhje me synimet e Trampit për ta bërë Grenlandën pjesë të SHBA-së.

"Sa i përket Grenlandës, mendoj se shqetësimi i saj është i drejtuar në aktivitetet e Rusisë dhe Kinës në Arktik, si dhe në sigurinë ekonomike kombëtare”, shtoi ministri britanik. “Megjithatë, kam besim se ai e pranon se Grenlanda është sot pjesë e Mbretërisë së Danimarkës”, theksoi Lami. ls/

Foto: Arkiv