Shkup, 27 nëntor 2025 (MIA)- Në mbledhjen e sotme të Kuvendit kushtuar pyetjeve të deputetëve, kryetari i Qeverisë u përgjigje në pyetjeje kushtuar temës së pagave të punonjësve në gjyqësor, si pjesë e reformave në këtë fushë.

Mickoski iu referua propozimeve për ndryshime të ligjit, sipas të cilave mjetet për drejtësinë duhet të rriten në 0,8% të BPV-së për gjykatat dhe 0,5% për prokuroritë, që është përafërsisht 1,5% e BPV-së.

"Vitin e ardhshëm do të kemi një BPV prej 20,5–20,6 miliardë dollarësh që do të thotë se rreth 260–270 milionë dollarë do të duhet të sigurohen për gjykatat dhe prokuroritë ose 3–4 herë më shumë se tani. Kur kësaj do t’i shtohen shpenzimet për pagesat e rregullta të pensioneve, pagat e administratës, shpenzimet e nevojshme në rritje të ushtrisë dhe Ministrisë së Mbrojtjes, si dhe investimet kapitale dhe borxhet mbi 2,2 miliardë që janë marrë në të kaluarën, atëherë buxheti do të duhet të jetë afërsisht 8–9 miliardë euro në anën e shpenzimeve ose deficiti buxhetor do të jetë 8–10% e BPV-së. Natyrisht, kjo nuk është e mundur", tha kryeministri Mickoski dhe shtoi se kur flitet për reforma duhet të flitet për thelbin e tyre, jo për paratë.

Më vjen keq që debati reduktohet vetëm për para. Këto janë reformat. Buxhet autonom dhe para. Kjo ishte teza e parë, por pasi panë se publiku reagoi keq, një pjesë e vogël që kontaminon gjithçka vendosi ta kthejë tezën, duke thënë se nuk ka mjete bazë për punë – kompjuterë, daktilografe, asistentë e të ngjashme.

"Kërkesa e dytë e avancuar është se planet për punësime dhe avancime duhet të miratohen nga Këshilli Gjyqësor dhe Këshilli i Prokurorëve Publikë, ndërsa Qeverinë vetëm ta informojnë. Gjë që është në rregull. Ata janë pushtet gjyqësor, ne ekzekutiv, ky është legjislativ, krejtësisht të ndryshme dhe kjo nuk është problem. Madje, as nuk kanë nevojë të na informojnë. Do t'u japim një buxhet autonom ta menaxhojnë vetë", tha Mickoski, por vuri në dukje se të njëjtët që kërkojnë këto reforma e kanë sjellë gjyqësorin në një situatë që qytetarët të mos i besojnë.

Sipas Mickoskit, nëse pranohet kjo rritje, atëherë shteti do të bëhet rekorder absolut në botë, gjegjësisht do të ndajmë 2,5 herë më shumë nga shteti që aktualisht ndan më shumë. Sipas raportit të Këshillit të Evropës, Maqedonia aktualisht ndan 0,39% të BPV-së, që është më shumë se mesatarja e vendeve që përfshihen në Këshillin e Evropës dhe 75% më shumë se vendet e BE-së.

Çdokush që thotë ndryshe ose manipulon, ose nuk thotë të vërtetën, pa marrë parasysh nëse është diplomat i jashtëm, ekspert vendor, politikan etj. Këto janë shifra dhe fakte, nga të cilat sipas atij raporti, 0,3% e BPV-së i ndahen gjykatave. Shqipëria ka 0,14%, Moldavia 0,18%, ndërsa ne, “më të dobëtit”, kemi 0,30%. Kjo është dyfish më shumë. Dhe është më shumë edhe se mesatarja, që është 0,22%, dhe mesatarja që është 0,19%. Tek Prokuroria duhet të punohet më shumë: ne jemi 0,08%, ndërsa mesatarja është 0,09% e BPV-së.

"Ne pranojmë që të jetë 0,1%, të vendoset në ligj minimumi 0,1% të BPV-së. Nëse krijohen kushtet dhe nëse e lejon konsolidimi buxhetor që na kërkojnë institucionet financiare ndërkombëtare, ne nuk kemi problem t’u japim paga më të larta. Pak janë 3,000 euro, le të jenë 5,000,” theksoi kryeministri Mickoski.

Ai kujtoi se në PSP, ata prokurorë merrnin një pagë 10 herë më të lartë se mesatarja, ata shkruanin ditarë kështu që shuma bëhej 20-30 herë më e lartë se paga mesatare dhe e gjithë kjo përfundoi e paketuar në një çantë Lui Viton.
Këta njerëz që supozohej të ishin hiret, luftëtarë për drejtësi që do sillnin jetë,  i futën të gjitha këto në një çantë Lui Viton me disa miliona euro. Kështu që, nuk kishte të bënte me paratë, kishte të bënte me diçka tjetër.

"Dua të them publikisht se nuk kemi problem të pranojmë gjithçka, nuk kemi aq para sa kërkojnë, sepse së pari, pak njerëz nuk meritojnë, dhe së dyti, ajo që do t'u ofrojmë do të jetë e mjaftueshme që ata të kenë paga të mira dhe shumë herë më të larta se mesatarja", konkludoi kryeministri Mickoski.

Foto: MIA