12:00/10 mars/2025

Shkup - Presidentja Gordana Siljanovska-Davkova nënshkroi dekretet për tërheqjen e tetë ambasadorëve nga detyra për shkak se ata shkuan në ato pozita pa e përmbushur obligimin ligjor para trupit punues të Kuvendit. Në përputhje me dekretet e miratuara, thirren: Jakup Rexhepi nga posti i Ambasadorit të Jashtëzakonshëm dhe Fuqiplotë në Bosnje e Hercegovinë, me seli në Sarajevë, Xhenk Sejfulla nga posti i Ambasadorit të Jashtëzakonshëm dhe Fuqiplotë në Mbretërinë e Suedisë, me seli në Stokholm, Metodija Belevski, Ambasador i Jashtëzakonshme dhe Fuqiplotë në Mbretërinë e Belgjikës dhe Ambasador i Jashtëzakonshme dhe Fuqiplotë në Dukatin e Madh të Luksemburgut, me seli në Bruksel, Agneza Rusi Popovska, Ambasadore e Jashtëzakonshme dhe Fuqiplotë në Republikën e Bullgarisë, me seli në Sofje, Emil Krsteski, Ambasador i Jashtëzakonshëm dhe Fuqiplotë në Republikën Çeke, me seli në Pragë, Pajo Aviroviq, Ambasador i Jashtëzakonshëm dhe Fuqiplotë dhe shef i Misionit të Përhershëm pranë Organizatave Ndërkombëtare, me seli në Vjenë, Zeqir Ramçiloviq Ambasador i Jashtëzakonshëm dhe Fuqiplotë në Mal të Zi me seli në Podgoricë dhe Katerina Stavreska nga detyra e Ambasadores së Jashtëzakonshme dhe Fuqiplotë në Mbretërinë e Bashkuar të Britanisë së Madhe dhe Irlandën Veriore, me seli në Londër.

Shkup - Në vitin 2021 dallimi në pronësinë e llogarive të pagesave midis burrave dhe grave në nivel global është ulur në 6 përqindje pikë, por ka ende shumë gjasa se gratë do të kenë llogari joaktive dhe do të kenë më pak qasje në shërbimet financiare. Njëjtë është gjendja edhe në vend. Edhe pse është vërejtur përmirësim, hendeku gjinor në qasje në financa ende ekziston. Sipas të dhënave të fundit në vitin 2021, 79,9 për qind e femrave dhe 90,6 për qind e meshkujve në Maqedoninë e Veriut zotëronin një llogari pagese. Ky hendek gjinor prej 10,7 për qind pikë është dukshëm më i lartë se mesatarja në Evropë dhe Azinë Qendrore, ku është 3,2 për qind pikë. Këto të dhëna nuk janë vetëm statistika, ato janë një tregues i qartë se duhet të merren masa të mëtejshme për të përmirësuar përfshirjen financiare të grave, thotë guvernatorja e Bankës Popullore, Anita Angellovska-Bezhoska. 

Shkup - Drejtori i përgjithshëm i TAV Maqedoni, Nexhat Kurt sot në Pragë, para agjencive më të njohura çeke të udhëtimit dhe operatorëve turistikë e prezantoi potencialin turistik të Maqedonisë dhe rolin e aeroporteve të Maqedonisë në industrinë turistike, por hapi edhe temën e rivendosjes së linjës ajrore Shkup - Pragë. Në punëtorinë "Potenciali turistik i Maqedonisë" që u mbajt sot në mëngjes, Kurt theksoi se të gjithë aktorët në aviacion, industrinë e turizmit dhe diplomacinë duhet të punojnë së bashku për të krijuar kërkesë për një linjë ajrore i cili do të prezantojë këtë linjë ajrore direkte.

Shkup - Me rritjen e temperaturave gjatë ditëve të fundit, është vërejtur një numër i shtuar i ndërhyrjeve për shuarjen e zjarrit. Vetëm gjatë fundjavës së kaluar janë evidentuar 60 zjarre në ambiente të hapura, informoi paraditen e sotme Qendra për Menaxhim me Kriza (QMK). Deri pas mesnate, nëntë ishin ende aktivë. Dy janë në komunën e Prilepit. Zjarri i parë aktiv është në territorin e fshatit Krushevicë, i dyti në atarin e fshatit Lopaticë. Zjarri i tretë aktiv është në komunën e Demir Hisarit, midis fshatit Rastojcë dhe Koçishtë. Si aktiv konsiderohet edhe zjarri në komunën e Novo Sellës, në zonën e malit Ograzhden, mbi fshatin Sushicë, tek vendi i quajtur "Çardak".

Shkup - Dje në Kumanovë u mbajt edicioni i 33-të me radhë i manifestimit tradicional kulturor - letrar “Takimet Poetike të Karadakut”, organizuar nga Klubi i Shkrimtarëve “Jehona e Karadakut” nga Kumanova. Kryetari i Klubit të Shkrimtarëve “Jehona e Karadakut” Kumanovë, Sunaj Raimi, në fjalën e tij përshëndeti pjesëmarrjen e dhjetëra poetëve e poeteshave nga të gjitha trevat shqiptare, duke filluar nga Kumanova, Shkupi, Tetova, Presheva, Gjilani, Përmeti, Tirana, Shkodra e Rozhaja. Raimi tha se ky manifestim poetik përbën një nga shtyllat kryesore të identitetit kulturor dhe kombëtar të anës së Kumanovës dhe është një nga manifestimet e vetme në rajon e më gjerë që nuk ndalet asnjëherë.

Shkup - Uji i pijshëm në Shkup është i sigurt, sipas rezultateve të analizave fizike, kimike dhe mikrobiologjike të kryera në 44 pika matëse në qytet."Sektori i kontrollit sanitar në periudhën nga 03.03.2025 deri më 07.03.2025 merr 200 mostra për analiza fiziko-kimike dhe 200 mostra për analiza mikrobiologjike të ujit të pijshëm nga 44 pika matëse në qytetin e Shkupit. Sipas rezultateve të analizave, të gjitha mostrat janë në përputhje me Rregulloren për kërkesat për sigurinë dhe cilësinë e ujit të pijshëm", njoftojnë nga NP “Ujësjellës dhe Kanalizim”.

Shkup - Pa ujë sot prej orës 10:30 janë një pjesë e shfrytëzuesve nga Komuna e Çairit. Siç informojnë nga NP "Ujësjellësi dhe kanalizimi"- Shkup, ndërprerja është për shkak të defektit të tubacionit lidhës prej f-5/4 në rrugën "3" dhe në rrugën "Brigada maqedono-kosovare" nr.4. Furnizimi me ujë do të jetë në ndërprerje deri në përfundimin e aktiviteteve të punës.

Visoko - Një vrasje brutale ka ndodhur mbrëmë në Visoko të Federatës së Bosnja e Hercegovinës, kur një i ri vrau një të ri tjetër dhe më pas ka tentuar t'ia presë trupin në copa, raportojnë mediat lokale në BeH. Vrasja ka ndodhur në lagjen Luka, ndërsa nga  Qendra Operative e Policisë Kantonale Zenicë-Doboj njoftuan se mbrëmë në orën 18:35 në stacionin policor të Visokos një person ka lajmëruar se B.D (24) nga Visoko i ka thënë se në banesën e tij ka vrarë P.E. (24)

Kopenhagë - Grenlandezët të martën do të dalin në zgjedhje parlamentare, ndërsa fokusi i fushatës zgjedhore ishte pavarësia e mundshme e ishullit më të madh në botë. Rregullat ligjore se si mund të arrihet kjo tashmë ekzistojnë. Të gjitha partitë kryesore politike të Grenlandës mbështesin pavarësinë, kështu që debati ka të bëjë kryesisht me atë se kur, dhe jo nëse, të ndërpriten lidhjet me Danimarkën. Neni 19 i kushtetutës daneze i lejon qeverisë të heqë një pjesë të territorit të saj, me kusht që të marrë miratimin nga Parlamenti. Akti për vetëqeverisje të Grenlandës i vitit 2009 "në thelb përcakton udhërrëfyesin për pavarësi," tha ai.

Torino - Trajneri i Atalantës, Xhan Pjero Gasperini ka lavdëruar lojtarët e tij për fitoren me rezultat të thellë ndaj Juventusit (4:0) në xhiron e 28-të të Seria A. "Ky është futbolli. Ndonjëherë humb, ndonjëherë fiton. Duhet të kujtojmë se Juventusi ka fituar pesë ndeshjet e fundit në Serie A, shumë njerëz vështirë se mund ta imagjinonin rezultatin e sotëm, por ne luajtëm në mënyrë perfekte. Mund të kishim shënuar edhe më shumë para pjesës së parë. Pas golit të dytë, Juventusi humbi vetëbesimin dhe ne e shfrytëzuam këtë maksimalisht”, ka thënë Gasperini pas ndeshjes.

Torino - Trajneri i Juventusit, Tiago Mota pas humbjes së mbrëmshme ndaj Atalantës (0:4) në xhiron e 28-të të Serisë A, ka hequr dorë nga trofeu në kampionatin italian. "E dinim që ndeshja do të ishte e vështirë. Atalanta donte të përfitonte nga gabimet tona. Penaltia, të mos flasim për natyrën e saj kontroverse, ishte një moment i dhimbshëm. Jemi një ekip i ri, u përpoqëm të shkonim përpara për t'u rikthyer në lojë, por kishte boshllëqe në mbrojtje. Goli i parë na rrëzoi psikologjikisht dhe na hodhi jashtë ekuilibrit. Jemi të mërzitur dhe të zhgënjyer. Njëherësh, nuk do të flitet më për skudeton", deklaroi Mota pas ndeshjes.

Uashington - Sekretari amerikan i Shtetit, Marko Rubio, ka njoftuar sot se Shtetet e Bashkuara të Amerikës zyrtarisht mbyllin 83 për qind të programeve të Agjencisë për Zhvillim Ndërkombëtar (USAID). "Pas një rishikimi gjashtë-javor, kemi përfunduar zyrtarisht 83 për qind të programeve të USAID-it, 5200 kontrata që tani janë anuluar, kanë shpenzuar dhjetëra miliarda dollarë në mënyra që nuk janë përdorur dhe në disa raste madje kanë dëmtuar interesat thelbësore kombëtare të SHBA-së,” postoi Rubio në platformën X. Sipas tij, pas konsultimeve me Kongresin, 18 për qind e mbetur e programeve, që është afërsisht 1.000, do të menaxhohen nga Departamenti i Shtetit "për shkak të një administrimi më efikas".