Bruksel, 3 shkurt 2025 (MIA) - Presidenti francez Emanuel Makroni sot bëri thirrje në Bruksel për një Bashkimi Evropian (BE) "më të pavarur" nga SHBA-ja në aspektin e furnizimit dhe sigurisë kolektive.

"Është shumë e thjeshtë. Duhet të jemi më të prirur drejt furnizimeve të brendshme", tha Makroni pasi mbërriti në Bruksel për një takim joformal të liderëve të BE-së me Sekretarin e Përgjithshëm të NATO-s Mark Rute dhe kryeministrin britanik Kir Starmer. 

 Makroni tha se deklaratat e administratës së re amerikane të Donald Trampit "i shtyjnë evropianët të jenë më të bashkuar dhe më aktivë për t'iu përgjigjur çështjes së sigurisë kolektive".

Presidenti francez shtoi se BE-ja duhet të përparojë në industrinë e saj të mbrojtjes dhe të investojë më shumë në mënyrë që Unioni të ketë përparësi. 

 Sipas tij, kjo përfshin më shumë financim evropian, përjashtim të shpenzimeve ushtarake nga rregullat buxhetore të Paktit për Stabilitet dhe prioritet të furnizimeve evropiane.

Makron tha se Evropa do të bënte gjithçka për t'u respektuar në rast të një "sulmi" ndaj tregtisë së saj ndërkombëtare. 

 "Nëse ne sulmohemi në aspektin tregtar, Evropa si fuqi mbajtëse do të duhet të bëjë gjithçka që të respektohet, gjegjësisht të reagojë", tha Makroni, duke aluduar në paralajmërimin e Trampit për vendosjen e tarifave nga BE.

 Foto: Arkivi i MIA-s