Bejrut, 5 nëntor 2025 (MIA) – Në një sulm ajror izraelit sot është vrarë një burrë në një automjet në jug të Libanit, përderisa Izraeli kërcënohet se do të intensifikojë sulmet ndaj lëvizjes libaneze pro-iraniane Hezbollah.

Sipas Ministrisë libaneze të Shëndetësisë, automjet u godit nga ajri në afërsi të Tirit, ku mbet i vrarë një persona dhe u plagosur një tjetër.

Sulmi ndodhi pranë një shkolle, duke shkaktuar panik tek fëmijët, transmetoi agjencia libaneze e lajmeve Ani.

Ushtria izraelite kumtoi se ka vrarë Husein Xhaber Dib, duke thënë se ai ishte anëtar i njësisë elitare Radvan të Hezbollahut.

IDF shtoi se ka vrarë rreth 20 persona, "aktivitetet e të cilëve shkelën marrëveshjet midis Izraelit dhe Libanit" gjatë muajit të kaluar.

Pavarësisht armëpushimi të rënë dakord në nëntor 2024, Izraeli sulmon shpesh fortesat e Hezbollahut në Liban.

Qëlliimi i armëpushmit ishte t'i jepet fund luftimeve prej një viti e më shumë midis Izraelit dhe Hezbollahut, por Izraeli ka shtuar sulmet ditët e fundit, duke pretenduar se dëshiron të parandalojë këtë lëvizje shiite nga ripërtrirja e kapaciteteve të saj ushtarake.

Kryeministri izraelit Benjamin Netanjahu të dielën e akuzoi Hezbollahun se po përpiqet të “riarmatoset”, ndërsa ministri izraelit i Mbrojtjes, Izrael Kac, e akuzoi presidentin libanez Xhozef Aun se po e shtyn çarmatimin e rënë dakord të grupit.

Hezbollahu është dobësuar nga lufta e fundit me Izraelin, ndërsa Shtetet e Bashkuara kanë rritur presionin mbi autoritetet libaneze për ta çarmatosur atë, që lëvizja islamiste e refuzon.

Aun dje përsëriti ofertën e tij për negociata me qeverinë izraelite, duke theksuar se Tel Avivi zyrtar nuk i është përgjigjur propozimit të tij dhe vazhdon të sulmojë. ls/

Foto: Arkivi i MIA-s