Teheran, 30 janar 2026 (MIA) - Ushtria iraniane ka paralajmëruar për një kundërsulm nëse SHBA-ja kryen çfarëdo sulmi ushtarak, ndërsa kërcënimet midis Teheranit dhe Uashingtonit intensifikohen, raportoi DPA.

Zëdhënësi i Forcave të Armatosura, Amir Akraminia, deklaroi se Irani do t'i përgjigjet edhe aksionit më të vogël ushtarak, sipas Tasnim, agjenci e lajmeve pranë Korpusit të Gardës Revolucionare Islamike të Iranit.

Akramiani tha se forcat iraniane mund të synojnë bazat ushtarake amerikane duke përdorur dronë, raketa dhe armë të tjera. Ai paralajmëroi se çdo konflikt ushtarak nuk do të kufizohet në kohë dhe mund të përhapet në të gjithë rajonin më të gjerë, nga Izraeli në vendet që strehojnë bazat amerikane.

"Lidhur me një sulm të mundshëm armiqësor, janë hartuar planet e nevojshme dhe janë lëshuar urdhrat e nevojshëm. Do të kemi  përgjigje adekuate dhe proporcionale ndaj skenarëve të ndryshëm armiqësorë, tha zëdhënësi.

Akramini akuzoi SHBA-në se janë angazhuar në "diplomacinë e anijeve luftarake" të shekullit të 18-të dhe 19-të në një përpjekje për të detyruar lëshime nga vendet e tjera.

Tensionet e fundit janë nxitur nga shtypja vdekjeprurëse e protestave antiqeveritare në të gjithë vendin nga Irani. Presidenti i SHBA-së, Donald Tramp, ka shprehur mbështetje për demonstratat dhe tha se do të ndërmarrë "masa shumë të forta" kundër Iranit nëse ai vret protestues. mb/

Foto: MIA