Erdogan arriti në Beograd
- Presidenti i Turqisë, Rexhep Taip Erdogan sonte ka arrit për vizitë në Serbi, ku është pritur nga presidenti i Serbisë, Aleksandar Vuçiq. Ai do të bisedojë me përfaqësuesit më të lartë shtetëror të Serbisë dhe do të marrë pjesë në forumin biznesor të të dyja vendeve.
Beograd, 10 tetor 2024 (MIA) - Presidenti i Turqisë, Rexhep Taip Erdogan sonte ka arrit për vizitë në Serbi, ku është pritur nga presidenti i Serbisë, Aleksandar Vuçiq. Ai do të bisedojë me përfaqësuesit më të lartë shtetëror të Serbisë dhe do të marrë pjesë në forumin biznesor të të dyja vendeve.
Pjesa e punës së vizitës fillon nesër. Pas pritjes ceremoniale para Pallatit të Serbisë, Erdogani fillimisht do të bisedojë me presidentin e Serbisë, Aleksandar Vuçiq e më pas së bashku do të marrin pjesë në seancën e katërt të Këshillit të lartë për bashkëpunim Serbi-Turqi dhe nënshkrimin e marrëveshjes për bashkëpunim.
Gjatë pasdites, Erdogani së bashku me Vuçiqin do të marrë pjesë në forumin e biznesit Serbi-Turqi.
Gjatë vizitës së Erdoganit në Beograd duhet të nënshkruhen disa dokumente – memorandum për mirëkuptim dhe bashkëpunim midis Serbisë dhe Turqisë.
Presidenti i Turqisë arriti në Beograd pas vizitës së shkurtër që kishte në Tiranë.