Kopenhagë, 15 tetor 2024 (MIA) - Pavarësisht qëllimit të vendosur nga BE-ja në vitin 2015 që të gjithë sipërfaqet ujore të vlerësohen si ujë me cilësi të mirë, vetëm rreth një e treta e ujërave sipërfaqësore të Evropës janë në gjendje të mirë, thuhet në raportin e Agjencisë Evropiane për Mjedisin Jetësor (ЕЕА). 

Sipas të dhënave të 19 vendeve-anëtare tubuar nga EEA në vitin 2021, rreth 37 për qind nga ujërat sipërfaqësore në Evropë kanë të paktën një status të mirë ekologjik, pasi 29 për qind kanë status të mirë kimik, raporton Guardian. 

Afati i parë për arritjen e objektivave të BE-së është propozuar deri në vitin 2027, por të dhënat tregojnë se ai afat do të lëshohet me koncesione të mëdha. 

"Gjendja me ujin në Evropë nuk është e mirë. Ujërat tanë po ballafaqohen me një numër të madh sfidash të cilat e shqetësojnë sigurinë e ujit në Evropë", tha Lina Ila-Mononen, drejtor ekzekutiv i EEA-së.

Raporti i EEA-së tregon se aktivitetet bujqësore kanë ndikim të madh ndaj ujërave sipërfaqësore dhe nëntokësore të Evropës, pasi pompohet shumë ujë ndërsa derdhen shumë ujëra të zeza të ndotura, ndërsa gjithashtu thekson ndikimin e termocentraleve që lëshojnë grimca toksike. qa/

Foto: arkivi i MIA-s