Shkup, 10 janar 2026 (MIA) – Qeveria fuqishëm mbetet e përkushtuar në përmbushjen e kritereve evropiane dhe përparimin e vendit, shkroi sot pasdite në profilin e tij në Fejsbuk, ministri i Shoqërisë Informatike dhe Transformimit Digjital, Stefan Andonovski i cili ishte pjesë e ekipit qeveritar që sot zhvilloi takim me kryeministrin Hristijan Mickoski në lidhje me agjendën e reformave.

Sipas Andonovskit, fokusi është i qartë - standarde evropiane në vend, përmes shërbimeve më të mira publike, institucione më të shpejta dhe procese transparente.

"Të shtunën ia kushtojmë takimit mbi Agjendën e reformave. Qeveria mbetet e përkushtuar fuqishëm në përmbushjen e kritereve evropiane dhe progresin e vendit, megjithëse po përballemi me pengesa të imponuara bilaterale jashtë kornizës evropiane. Fokusi është i qartë: standarde evropiane në vend, përmes shërbimeve më të mira publike, institucione më të shpejta dhe procese transparente. Kjo është arsyeja pse po e shtyjmë fuqishëm agjendën e digjitalizimit - ndërveprimin midis institucioneve, e-shërbimet moderne, dokumentet elektronike dhe zgjidhjet digjitale që zvogëlojnë barrën burokratike dhe kursejnë kohën e qytetarëve dhe bizneseve. Ky nuk është harmonizim formal, por evropianizim praktik. Standardet evropiane, shërbimet cilësore dhe funksionimi i institucioneve lidhen drejtpërdrejt me kriteret e BE-së për sundimin e ligjit, konkurrueshmërinë, administratën publike dhe integrimin ekonomik", thekson ministri.

Foto: Fejsbuku i ministrit të Shoqërisë Informatike dhe Transformimit Digjital, Stefan Andonovski