Мојсоска: Таравари ако ги слуша барањата на ЕУ, ќе бара и укинување на Рамковниот балансер
16 мај 2024
Во гостувањето за ТВ 24, новата пратеничка од редовите на Левица, Јована Мојсоска, се осврна на условувањата за промена на Уставот во рок од 6 месеци.
Мојсоска потенцираше дека потребно е Таравари да ги слушне и другите барања кои доаѓаат од ЕУ и кои се нотирани во извештаите на Европската Комисија.
Таа додаде дека во последниот извештај на ЕК беше нотирано дека Рамковниот балансер не ја одразува реалната слика на населението и дека тој веќе ја загрозува ефикасноста на институциите.
Мојсоска додаде дека никој нема слух ниту за забелешките на Венецијанската Комисија во однос на ДВОЈАЗИЧНОСТА, која ја надминува и Рамковната конвенција за малцинствата.
Мојсоска го повтори ставот дека Левица нема да биде дел од Влада која ќе изврши промена на Уставот и токму Левица ќе се наметне како фактор за поставување црвени линии во одбрана на македонските интереси.
https://youtu.be/hgIUVoW3g70?si=kLw7W0g5AxKSqiPp
Левица
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
