Шаленберг: Најверојатно ќе биде неизбежно заклучување на невакцинираните граѓани
- Канцеларот на Австрија, Александер Шаленберг денеска изјави дека зимата и божиќните празници ќе бидат непријатни за граѓаните кои не се вакцинирале против Ковид-19
Виена, 11 ноември 2021 (МИА) - Канцеларот на Австрија, Александер Шаленберг денеска изјави дека зимата и божиќните празници ќе бидат непријатни за граѓаните кои не се вакцинирале против Ковид-19.
Тој додаде дека најверојатно ќе биде неизбежно заклучување за невакцинираните, а во исто време одби „локдаун“ за вакцинираните граѓани.
- Не гледам зошто две-третини од граѓаните треба да ја загубат слободата поради една третина што се двоуми. За мене е јасно дека нема да има заклучување за вакцинираните од солидарност со невакцинираните, посочи Шаленберг. ми/