Барселона, 30 август 2022 (МИА) - Тренерот на Барселона., Чави Ернандез, изјави  оти полскиот напаѓач Роберт Левандовски е чудесен играч и природен лидер. - Левандовски е чудесен играч. Би ги истакнал неговите години, совршениот тајминг на примање на топката, неговите движења и како ја чува топката. Тој е природен водач и прекрасно е да го имаш во тимот. Тој е голем работник, вреден и работи за екипата и на тој начин создава разлика на теренот. Исто така, му помага на стручниот штаб бидејќи разговара со младите играчи, рече Чави. Левандовски во летниот преоден рок дојде во Барселона од Баерн Минхен. Полскиот напаѓач на досегашните три натпревари во дресот на каталонскиот клуб постигна четири голови. ег/ми/