Скопје, 18 август 2024 (МИА) - Дождот го изгасна и пожарот околу кичевското село Цер, информираат попладнево од Центарот за управување со кризи (ЦУК).

Претходно денеска, директорот на ЦУК, Стојанче Ангелов соопшти дека благодарение на дождот, пожарот на Галичица е целосно изгаснат и оти постои вознемиреност кај населението во селото Цер и останатите села во околината, бидејќи пожарот што се движи во таа насока, бил голем. При тоа укажа на напорите за негово гаснење.

- Таму денеска дејствуваме со 30 професионални војници, седуммина припадници на локалната Противпожарна единица, осум лица вработени во „Национални шуми“ и најмалку триесетина доброволци, појасни Ангелов во видео изјавата.

Во текот на август, заклучно со вчерашниот ден, на територија на државава имало вкупно 667 пожари на отворен простор. Меѓу нив дури 98 шумски пожари што повеќето се прошириле и, како што истакна Ангелов, биле тешки за гаснење. бд/вг/

Фото: МИА архива