Газа, 30 декември 2024 (МИА) - Министерството за здравство на владата на Хамас во Појасот Газа денеска соопшти дека во последните 24 часа во палестинската енклава, каде што војната против Израел трае повеќе од 14 месеци, загинале најмалку 27 лица.

Вкупниот број загинати во Газа од почетокот на војната на 7 октомври 2023 година е 45.541, се наведува во соопштението.

Од почетокот на војната меѓу Хамас и Израел, најмалку 108.338 луѓе се ранети, се додава во соопштението. паг/

Фото: МИА архива