Украинските сили изминатата ноќ уништиле се 16 од 18 дронови лансирани од Русија
- Украина уништи 16 од 18 дронови кои Русија ги лансирала во текот на ноќта, соопшти денеска украинската армија.
![Украинските сили изминатата ноќ уништиле се 16 од 18 дронови лансирани од Русија](https://mia.mk/images/20240225111507_big_730x400_73.webp )
Киев, 25 февруари 2024 (МИА) – Украина уништи 16 од 18 дронови кои Русија ги лансирала во текот на ноќта, соопшти денеска украинската армија.
Се додава дека украинските воздушни сили и воздушна одбрана уништиле беспилотни летала од иранско производство над осум региони во централниот, западниот и јужниот дел на Украина, вклучително и во регионот на Киев.
Украинските воздухопловни сили на Телеграм соопштија дека дроновите полетале од градот Приморско-Ахтарск од Краснодарската област, како и од ’ртот Чауда, од полуостровот Крим. јт/
Фото: МИА архива