Вашингтон, 14 февруари 2025 (МИА) - Американскиот претседател Доналд Трамп изјави дека сака да ги обнови преговорите за контрола на нуклеарното вооружување со Русија и Кина и се надева дека трите земји на крајот би можеле да постигнат договор за намалување на нивните воени буџети за половина.

Трамп вчера во Белата куќа изјави дека не гледа потреба од создавање ново нуклеарно оружје, бидејќи САД веќе поседуваат голем арсенал, истакнувајќи дека сите три земји би можеле да заштедат огромни ресурси кои би можеле да се искористат за попродуктивни цели.

„Немаме причина да правиме ново нуклеарно оружје, веќе имаме толку многу. Можеме да го уништиме светот 50 пати, 100 пати. И сега правиме ново нуклеарно оружје, додека тие (Русија и Кина) исто така прават нивно“, рече Трамп. паг/

Фото: МИА архива