Скопје, 16 септември 2024

 „Општините предводени од СДСМ први се имаат пријавено на повикот на Министерството за локална самоуправа за средствата од овој кредит од 250 милиони евра за општините и 250 милиони евра за бизнисот. Додека пак СДС несвесно формираа преседан и го ставија партискиот интерес пред државниот интерес, избегаа од дебата затоа што немаа што да кажат“, рече пратеникот од ВМРО-ДПМНЕ Бојан Стојаноски во денешното гостување на емисијата „Аргумент плус“ на ТВ 24. 

Стојаноски посочи дека во изминатите 7 години во Македонија имаше континуирана криза предводена од Владата на СДС и ДУИ.

„Имаше континуирана криза на влада предводена од СДС и ДУИ 7 години со 4,6 милијарди задолжување повеќе од сите влади претходно а ниту еден километар автопат не е завршен, ниту еден километар железничка пруга не е завршена, ниту една болница не е изградена, клиничкиот центар е ист таков како што го напуштивте и дополнително се плати пенали за истиот, не постои ниту еден експресен, регионален, магистрален автопат или било каков проект кој владата на СДС и ДУИ го испроектирала и бил завршен“, истакна Стојаноски. 

Стојаноски потенцираше дека јавноста во наредниот период ќе ги добие одговорите за што точно биле потрошени парите.

„Основното прашање е за што биле потрошени овие пари. Со оглед на тоа дека СДС бега да одговори на ова прашање во наредниот период јавноста ќе ги добие одговорите“, заклучи Стојаноски.

Центар за комуникации на ВМРО-ДПМНЕ

________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки