Неапол, 11 февруари 2021 (МИА) - Кристијано Џунтоли, спортскиот директор на Наполи, зборуваше за можното заминување на тренерот Џенаро Гатузо, по елиминацијата од Аталанта во полуфиналето на Купот на Италија. На 8 февруари, во медиумите се појави информација дека во наредните денови ќе стане познато дали специјалистот ќе остане во тимот и дека тоа ќе зависи и од средбата со Аталанта. - Ние имаме тренер. Клубот верува во него, ние се бориме за секој бод во сите натпреварувања. На крајот на сезоната ќе донесеме заклучоци, го цитира „РАИ Спорт“ Џунтоли. По 21 коло од Серија А, Наполи го зазема 6. место во поредокот со 37 бода. На 13 февруари, тимот ќе игра против Јувентус во италијанскиот шампионат. зс/